MediaWiki

MediaWiki (МедиаВики) — вики-проекташта кӀийлен тӀа ула, царга болх байташ бола движок ба. Из язбаь (кийчбаь) хиннаб лаьрххӀа Википеденна, амма пайда эцаш лелабу «Викимедиа» яхача фонда кхыйолча проекташка а. MediaWiki лоӀаме программа я, GNU General Public License (е лоацца GNU) яхача юкъарлен лицензен бехкамашца дӀа-хьа яржаш я.

MediaWiki язбаьб скриптий меттал (PHP), дараш уладара духьа цо пайда эц «реляционная база данных» яхача ражах (леладе йиш я MySQL, PostgreSQL, SQLite, Oracle Database); иштта могаду «memcached», «Squid» яха программаш лелаяр.

MediaWiki хьалу оагӀонаш йолча базаца болхбара интерфейс а, раже урхалдара тайп-тайпара бокъонаш хилар а, текста хувцам бе а башха форматашца (вики-текст, HTML, TeX), сурташи кхыдола файлаши хьачудаха торо а, иштта кхыйола торонаш а.

MediaWiki логотипа маӀано белгалбоаккх цо лелабеш бола разметкай мотт. Цу метта чу тӀатовжам хьабергболаш лелаю йиъсаьна къовлоргаш ([[]]).