Серхио Рамос

Серхио Рамос
Рамос со ФК Реал Мадрид во 2016 година
Лични податоци
Полно име	Серхио Рамос Гарсија
Роден на	30 март 1986(1986-03-30)
Роден во	Камас, Шпанија
Висина	183 м (600 ст)
Позиција	одбрана
Клупски податоци
Сегашен клуб	ФК Севиља
Број	4
Младинска кариера
1996–2003	ФК Севиља
Кариера*
Години	Клуб	Наст.	(Гол.)
2003–2004	ФК Севиља Б	26	(2)
2004–2005	ФК Севиља	39	(0)
2005–2021	ФК Реал Мадрид	469	(72)
2021- 2023	ФК Париз Сен Жермен	45	(4)
Репрезентација ‡
2002	Шпанија U17	1	(0)
2004	Шпанија U19	6	(0)
2004	Шпанија U21	6	(0)
2005–	Шпанија	140	(10)
* Ажурирано на: 19:41, 22 февруари 2017 (UTC) ** Ажурирано на: 10 октомври 2016 (UTC)

Серхио Рамос (роден на 30 март 1986 во Камас, Шпанија) — шпански фудбалски репрезентативец, кој моменталноно настапува за Севиља.

Кариера

Серхио Рамос фудбал започнал да тренира во екипата на Севиља. Ги поминал сите млади селекции а потоа играл и за Б екипата. За првиот тим дебитирал на 1 февруари 2004 година во натпреварот во Примера против Депортиво ла Коруња. Неговиот тим тогаш бил поразен со 1 : 0, а тој во игра влегол како резерва во второто полувреме. Во наредната сезона одиграл 31 натпревар во првенството во дресот на Севиља и бил стрелец на два гола, против Реал Сосиедад (2 : 1) и Реал Мадрид (2 : 2).

Во текот на летото 2005. тогаш деветнаесетгодишниот Рамос преминал во Реал Мадрид за обесштетување од 27 милиони евра. Првиот гол во дресот на Реал го постигнал 6 декември 2005 година против Олимпијакос. Неговиот тим од тогаш е поразен со 3 : 2 во натпреварот во групната фаза на Лигата на шампионите. Својот двестоти настап за Реал Мадрид го забележал на 21 февруари 2010 против Виљареал.

Репрезентација

За репрезентација на Шпанија дебитирал 26 март 2005 година во пријателскиот натпревар против Кина (3 : 0) одиграна во Саламанка. На своето деби имал само 18 години и 361 ден, со што станал најмладиот играч во историјата на шпанската репрезентација. Подоцна тој негов рекорд бил соборен од Сеск Фабрегас. Првите два гола за репрезентацијата ги постигнал во натпреварот против Сан Марино (6 : 0) во рамките на квалификациите за Светското првенство фудбал 2006.

Се нашол на списокот на избрани играчи за Светското првенство 2006. На Европско првенство во фудбал 2008. Рамос ги провел во игра сите 90 минути на секој натпревар, освен одиграниот против Грција (2 : 1) во групната фаза. Шпанија го освоила првенството со победа над Германија (1 : 0) во финалето. Во текот на славењето кое било после натпреварот, Рамос ја носел маицата во чест на неговиот загинат пријател и соиграч од Севиља, Антонио Пуерта.

Со репрезентацијата го освоил и третото место на Купот на конфедерации 2009. На Светското првенство 2010 бил стартер на сите натпревари, а Шпанија го освоила ова првенство со победа над Холандија (1 : 0) во финалето.

Трофеи

Реал Мадрид

• Првенство на Шпанија (3) : 2006/07, 2007/08, 2011/12.
• Куп на Шпанија (2) : 2010/11, 2013/14.
• Суперкуп на Шпанија (2) : 2008, 2012.
• Лига на шампионите (2) : 2013/14, 2015/16.
• Суперкуп на Европа (2) : 2014, 2016.
• Светско клупско првенство (2) : 2014, 2016.

Репрезентација на Шпанија

• Европско првенство до 19. години (1) : 2004.
• Европско првенство (2) : 2008, 2012.
• Куп на конфедерации (второ место) : 2013.
• Куп на конфедерации (трето место) : 2009.
• Светско првенство (1) : 2010.

Надворешни врски

• Real Madrid official profile
• Предлошка:BDFutbol
• National team data
• Серхио Рамос на National-Football-Teams.com
• Серхио Рамос – Профил на службената страница на ФИФА
• Серхио Рамос – Профил на сајтот на УЕФА
• Official website Архивирано на 30 април 2012 г. (шпански)